THE ISLAM KARIMOV ACADEMIC AND EDUCATIONAL COMPLEX

ЁДГОРЛИК МАЖМУАСИГА ЭРСУЛТОН БЕКТУРГАНОВ ТАШРИФ БУЮРДИ


28.10.2021

27 октябрь куни Ёдгорлик мажмуасига Қозоғистон Республикасининг Биринчи Президенти – Элбоши кутубхонасининг махсус лойиҳалар хизмати раҳбари Эрсултон Утегулович Бектурганов ташриф буюрди. Қозоғистонлик меҳмон Ислом Каримов хотирасига ҳурмат билдириб, Биринчи Президент фаолиятига бағишланган “Бутун оламни жо этган юрак” кўргазмасини катта қизиқиш билан томоша қилди.

“Кўргазмадаги асарлар менда ниҳоятда чуқур таасурот қолдирди, деди Э.У.Бектурганов, - зеро, улуғ Йўлбошчининг ҳаёти мазкур асарларда ёрқин бўёқларда маҳорат билан акс эттирилган. Айниқса, унинг Она Ватанга бўлган муҳаббати ўсиб келаётган авлод учун буюк ибрат намунаси бўлиб қолади”.

«Бутун оламни жо қилган юрак» кўргазмаси билан яқиндан танишган Эрсултон Бектурганов фахрий меҳмонлар китобига эсдалик дастхати ёзиб қолдирди.