ИСЛОМ КАРИМОВ ИЛМИЙ-МАЪРИФИЙ МАЖМУАСИ

МУЗЕЙ ИШЧИ ГУРУҲИНИНГ ЙИҒИЛИШИ


31.07.2021

29 июль куни Ўзбекистон Республикасининг Биринчи Президенти Ислом Каримов номидаги илмий-маърифий ёдгорлик мажмуасида вазирликлар ва идоралар вакиллари иштирокида Ислом Каримов музейи экспозициялари концепцияси бўйича Ишчи гуруҳининг йиғилиши бўлиб ўтди.

Йиғилишни Васийлар Кенгаши аъзоси Татьяна Акбаровна Каримова очиб берди

Бугунги кунда Ёдгорлик мажмуаси мутахассислари россиялик ҳамкасблари билан биргаликда Ислом Каримов музейи экспозициялари Концепциясини тайёрладилар.

Музейлаштириш бўйича ишчи гуруҳ аъзолари қатор вазирлик ва идоралар вакилларидан таркиб топган бўлиб, ишчи гуруҳ аъзоларига Ислом Каримов музейи экспозициясининг Концепцияси тақдимоти ва АКТ ечимлари намойиш қилинди.

Тадбирда Ёдгорлик мажмуаси раҳбари Темур Ширинов ҳамда мажмуа раҳбарининг биринчи ўринбосари Aлишер Ишматов ишчи груҳ аъзоларини Ислом Каримов музейини яратиш бўйича амалга оширилаётган ишлар билан таништирдилар.

Йиғилишда вазирлик ва идоралардан келган мутахассислар Ислом Каримов музейининг заллари юзасидан ўз фикрларини билдирдилар.

AОКА директори А.А.Ходжаев ҳамда Ички ишлар Академияси полковниги Ш.Р.Қобилов музей экспозициялари концепцияси бўйича ўзларининг таклиф ва тавсияларини айтишди. Россиянинг «N-CОМ» компанияси мутахассислари Р.М.Назипов ва М.С.Мухин, шунингдек, лойиҳа режиссёри Ж.Қосимов ишчи гуруҳи аъзоларини қизиқтирган саволларга жавоб бердилар.

Йиғилиш сўнгида Ишчи гуруҳ аъзолари мазкур масала юзасидан Ёдгорлик мажмуасида мунтазам равишда учрашувлар ўтказишга, Биринчи Президентнинг давлат қурилиши ва мустақилликни мустаҳкамлаш борасида амалга оширган ишларини тўлиқ ёритувчи экспозицияларнинг ҳар бири устида пухта ишлашга келишиб олдилар.