Ёдгорлик мажмуасида Ислом Каримовнинг 80 йиллигига бағишланган «Бутун оламни жо қилган юрак» кўргазмаси муваффақиятли фаолият юритиб келмоқда.

Ҳар куни кўргазмага минглаб ҳамюртларимиз, хорижий меҳмонлар, чет эллардан расмий доиралар вакиллари келиб,  экспозицияни катта қизиқиш билан томоша қилиб, эсдалик китобига самимий тилакларини ёзиб қолдирмоқдалар.

Шу кунга қадар кўргазмага 150 мингдан зиёд киши ташриф буюрди.

Ислом Каримов Фонди билан Ёдгорлик мажмуаси ҳамкорлигида мазкур кўргазма экспозициясининг каталоги нашр этилди.

Каталогда, Ислом Каримов образини мукаммал ярата олган рассом ва ҳайкалтарошлар, фотосуратчиларнинг энг сара ижод намуналари ўз аксини топган.

Тадбирда кўргазманинг энг фаол иштирокчиларига Татьяна Акбаровна Каримова томонидан «Ислом Каримов – Ўзбекистон Республикасининг Биринчи Президенти» медаллари топширилди.

Шунингдек, тадбир қатнашчиларига Биринчи Президентимизнинг рафиқаси дастхати битилган кўргазма каталоглари тақдим этилди.